Билгийн тооллын 17 дугаар жарны "Цөөвөр хэмээх Цагаагчин үхэр" жилийн Бор-Өндөр сумын "9 АЛДАРТАН" тодорлоо. "БИЗНЕСИЙН САЛБАРЫН АЛДАРТАН"-аар ДАМДИНЖАВЫН ОТГОНЦЭЦЭГ. Хэнтий аймгийн Бор-Өндөр суманд 2000 оноос хойш ажиллаж амьдарч байна. 2003 оноос хойш “Пүрдэм” ХХК-д нярав, худалдааны зөвлөх, менежерийн албан тушаалд нийт 19 жил ажиллаж байна. Ажиллах хугацаандаа үйлчлүүлэгч болон бэлтгэн нийлүүлэгч аж ахуйн нэгж иргэдтэй нягт хамтран ажиллан үнэ ханшийн мэдээллийг тогтмол судалж чанартай хямд бараа бүтээгдэхүүнээр иргэдэд үйлчлэх нөхцлийг бүрдүүлж ажиллаж байна. Байгууллагын шилдэг, тэргүүний ажилтнаар удаа дараа шалгарч байсан бөгөөд “Худалдаа үйлдвэрлэлийн тэргүүний ажилтан” цол тэмдэг, Яамны хүндэт жуух, Хан Хэнтийн Алдартан тэмдэг зэргээр тус тус шагнуулж байсан.