Сумын Засаг дарга байгууллагын дарга, эрхлэгч нартай ээлжит хуралдааныг хийж цаг үеийн мэдээлэл солилцож энэ оныг сахилга хариуцлагын жил болгон ажиллах үүрэг даалгаврыг өглөө. Тус хуралдаанаар:

- Засаг даргын орлогч: 2025 онд аймгийн төсөв, сумын ОНХС, давсан орлого болон уул уурхайн аж ахуйн нэгжүүдийн хамтран ажиллах гэрээний хүрээнд төрийн багууллагуудад оруулсан хөрөнгө оруулалтын тайланг танилцууллаа.

- Цагдаагийн хэлтэс: Өнгөрсөн онд бүртгэгдсэн гэмт хэрэг зөрчлийн тоон мэдээлэл;

Хууль бус архи, согтууруулах ундааг худалдан авахгүй байх;

Аливаа төрлийн залилангийн шинжтэй мэдээлэлд итгэхгүй байх, хувийн мэдээллээ дамжуулахгүй байх зэргийг анхаарууллаа.

- Онцгой байдлын хэлтэс: Мэргэжлийн байгууллагуудаас өгч байгаа цаг агаарын сэрэмжлүүлэг мэдээ мэдээллийг тогтмол авч байх;

Баяр ёслолын үед хариуцлагатай жижүүрийг гарган ажиллахыг анхаарууллаа.

- Нэгдсэн эмнэлэг: Халдварт сүрьеэ өвчний талаарх мэдээлэл болоод шинж тэмдэг илэрсэн тохиолдолд урьдчилан сэргийлэх үзлэг, рентген шинжилгээг өгөх;

Улаанбурхан, улаануудын дархлаажуулалтад хамрагдахыг уриаллаа.