Аймгийн Засаг даргын 01 албан даалгавар, Бор-Өндөр сумын Онцгой комиссын 1-р хуралдааны үүрэг, чиглэлийн дагуу ой хээрийн түймэр, хүчтэй салхи шуурга, гамшгаас урьдчилан сэргийлэх ажлын хүрээнд Холбоо 2-р багийн 9 орон сууцны 37 орцны подволь эзэмшигчдийн судалгаа, дундын өмчлөлийн орон сууцны 19 дээврийн нээлхийд үзлэг хийлээ. Тус үзлэгээр 19 дээврийн нээлхийгээс: Цоожтой-13, хаалгатай боловч цоожлоогүй-6 нээлхий байна. Орон сууцны 37 подволийн 33 подволь эзэнтэй байгаа боловч одоогоор гэрээгээ хийгээгүй тул Бор-Өндөр хот тохижилт ОНТҮГ-тай гэрээ хийх ажлыг 4 сард хийхээр товлон ажиллаж байна.

Хаврын хүчтэй салхи шуурганы улмаас үүсэж болох аливаа эрсдлээс /орон сууцны барилга, аж ахуйн нэгж, албан газрын оффисын барилгын дээвэр хуулрах, дээврээс төмөр мод гэх мэтийн биет унаж/ иргэдийн амь нас эрүүл мэндэд хохирол учирч болзошгүй байна.

Урин дулаан цаг ирж буйтай холбогдуулан эцэг эхчүүд, орон сууцанд амьдарч байгаа оршин суугч иргэд, бага насны хүүхдүүддээ анхаарал тавьж, хараа хяналтаа сайжруулан орон байрны дээвэр луу гарч, унаж осолдохоос урьдчилан сэргийлж дээврийн нээлхийгээ хааж цоожилж байхыг онцгойлон анхааруулж байна.