“Хэрлэн Тоонот” төсөл нь байгалийн нөөцийг эдийн засгийн эргэлтэд оруулах, уур амьсгалын өөрчлөлт, цөлжилттэй тэмцэхэд чиглэсэн байгальд түшиглэсэн шийдлийг хэрэгжүүлж, хамгийн гол нь үйл ажиллагааг зөвхөн байгаль орчин талаас нь бус хүн, нийгэм, эдийн засаг талаас нь харж урт хугацааны үр дүн гаргахад чиглэсэн төсөл юм. Орон нутгийн зүгээс “Хэрлэн Тоонот” усан цогцолбороос алсын зайд ус дамжуулах шугамын трассыг Бор-Өндөр сумыг дайруулах талаарх хүсэлтийн дагуу сумын ИТХ-ын дарга Э.Мөнх-Эрдэнэ, Засаг дарга Г.Адъяабилэгт, “Бор-Өндөр” УБҮ-ийн захирал Б.Магсаржав болон ИТХ-ын төлөөлөгч, байгаль орчны мэргэжилтэн нарын төлөөллүүдийг байлцуулан төсөл хэрэгжүүлэгчдийн зүгээс дэлгэрэнгүй танилцуулга, мэдээлэл хүргэлээ.

Тус төслийн захиалагч: “Эрдэнэс Оюу толгой” ХХК

Санхүүжүүлэгч: “Оюу толгой” ХХК

Гүйцэтгэгч: “Монхидро констракшн” ХХК