Бор-Өндөр сумын ИТХ-ын 2024 оны 10 сарын 30-ны өдрийн анхдугаар хуралдаанаар сумын Засаг даргад Г.Адъяабилэгтийг нэр дэвшүүлж аймгийн Засаг даргад томилуулахаар уламжилсан билээ.

Хэнтий аймгийн Засаг дарга 2024 оны 11 сарын 13-ны өдрийн Б/56 тоот захирамжаар тус сумын Засаг даргаар Г.Адъяабилэгтийг томиллоо.

Гончигдоржийн Адъяабилэгт нь:

- Цагдаагийн байгууллагад 27 жил, Бор-Өндөр сумын ЗДТГазарт 4 жил, нийт 31 жил төрийн байгууллагад ажилласан.

- Ам бүл 5, эхнэр 3 хүүхдийн хамт амьдардаг.

- Дээд боловсролтой, эрх зүйч, төрийн захиргааны удирдлага мэргэжилтэй, Хууль зүйн магистр зэрэгтэй.

- Цагдаагийн академи, Удирдлагын академид суралцаж төгссөн.

- Бор-Өндөр сумын Засаг даргын орлогч, Засаг даргаар 2020-2024 онд ажиллаж байгаад сумын Засаг даргаар улиран ажиллахаар боллоо.

2024-11-14 13:30:00